М.Мэргэнбаатар нь Монголын томоохон банк санхүү, худалдаа, үйлдвэрлэлийн компаниудад 20 орчим жил ажилласан. 
     Тус хугацаанд олон улсын санхүүгийн зах зээл дээр алт, үнэт металл, түүхий эд, гадаад валют, хувьцаа, Төв банкны болон Засгийн газрын үнэт цаасны нарийн төвөгтэй арилжааг амжилттай зохион байгуулж ажиллаж байсан. Мөн корпорацийн бэлэн мөнгөний менежмент болон хөрвөх чадварын удирдлагыг хэрэгжүүлэн ажиллаж, хөрөнгө оруулалт, санхүүжилтийн стратегийг оновчтой удирдан зохион байгуулж, үр ашигтай олон жил ажилласан туршлагатай. 
     “Мөнгөний бодлогын шилжих механизм”, “Опшин (option)-ы оновчтой стратегийг тодорхойлох замаар хөрөнгийн зах зээл дээр үр ашигтай ажиллах нь”, “Эрдэс бордооны глобал нийлүүлэлтийн сүлжээнд Монгол Улсын оролцох боломж” зэрэг эдийн засаг, олон улсын худалдаа, санхүүгийн зах зээлийн судалгааны ажил хийж байсан.

     Д.Баасанжаргал нь “Худалдааны санхүүжилтийн корпораци” ХХК-ийн зээл, худалдааны санхүүжилтийн үйл ажиллагааг хариуцан ажилладаг. Монголын томоохон банк, санхүүгийн байгууллагуудад зээл, эрсдэлийн удирдлага, бүтээгдэхүүн хөгжүүлэлтийн чиглэлээр ажиллаж буй 20 орчим жилийн туршлагатай. Удирдан ажиллаж байсан салбарууд нь үр ашигтай, өсөлттэй байж, хөгжүүлсэн бүтээгдэхүүнүүд нь хөрөнгө оруулагч, харилцагчдадаа үргэлж үнэ цэнийг хүргэсээр ирсэн.

     С.Долгорсүрэн нь олон улсын худалдааг зохион байгуулах, тээвэр ложистикийн сүлжээний найдвартай байдлыг хангах ажлыг хийж ирсэн олон жилийн туршлагатай. 
     Одоогоор компанийн хил дамнасан түүхий эд, материалын худалдааг бүтэцлэн, хөрөнгө оруулагч, харилцагч, түншүүдэд үр ашигтай байхаар зохион байгуулан ажиллаж байна.